BINDAAS BADMAASH !!!

BINDAAS BADMAASH !!!

Written by: Arindam Sain

"Teri gali mein aaj ANDHERA; 

par yahan se aasman mein dikhe TARA. 

Kaal ho gayi 

teri SHAADI; 

behroopiya bann ke aaya, phir 

bhi pehchan liya teri DAADI. 

Daadi ne boli, 'Arrey, beta, 

aane mein bahut der KARDI; 

har mahina tu jail jata hain, 

chhorh de yeh GUNDAGARDI.' 

Yeh policewalon ne jail ke andar 

bahut maara hain DAANDA; 

tere baap ne riswat diya hain inh logon 

ko, taah ki hum ho jaaye THAANDA. 

Logon ko bhale hee 

hum dono ka saccha pyar 

laage ekdum BAKWAASH; 

par yeh dil ka mamla hain, mann mein than liya 

tha, ki tere ko hum tere pati ke ghar se hee utha le 

jayenge, kyon ki hum hain 'Bindaas BADMAASH'. 

Par daadi toh 

daadi hee hain, 

jor se haaske BOLI; 

'arrey woh toh shaadi hone se pehle hee 

pata nahi kahan ho gayi gayab, woh bhi hain 

bindaas badmaash, nahi hain ekdum BHOLI.' 

Tere baap ne phir se laaga diya 

aadmi mere peeche, bole toh, 

ekdum waat laaga dala, aye YAARA; 

yeh mobile phone pe hee 

poori kahani sunegi kya, kahan 

chhupi hain tu bata ZAARA ? 

Accha, tu Premnagar railway station ke 

platform pe kar rahi hain mere liye INTEZAAR; 

tu toh hum se bhi jyada ziddi nikla re, 

maan gaye tere ko, mere YAAR. 

Wahan se jaayenge Dehradun, aur Arya Samaj 

Mandir pe kar lenge shaadi, ish baar toh yeh 

bindaas badmaash ki baat SUNO; 

uske baad chhupne ke liye mere mama ke ghar 

hain na Mumbai pe, wahich Mumbai pe, bole toh, 

ekdum jhakkas rahenge hum DONO."- Arindam Sain