15 AUGUST 1947 KE DIN, AZAAD HUYA 'BHARAT', JOH DESH HAIN SABSE MAHAAN !!!

"British ke khilaaf jung shuru kiya tha 
Syera Narasimha Reddy aur uske baad 
Laxmibai, jo thi Jhansi ki RANI; 
sipahi o ne bhi shuru kiya tha 
jung, sab ko pataa hain 
Mangal Pandey ki KAHAANI. 
Train se jish Hindustani wakeel ko nikaala 
gaya tha, woh bhi shuru kiya SANGRAAM; 
ahimsa ke marg pe chalnewala, 
Mohandas tha unka NAAM. 
Phir bhi chaaron taraf thi 
atyachaar aur ASHAANTI; 
Bhagat, Sukdev, Rajguru, Butukeswar 
aur Chandrasekhar ne laaya KRANTI. 
Haaste haaste faasi ke manch par 
charh gaya tha KHUDIRAM; 
Binoy, Badal aur Dinesh ne bhi diya 
tha apne rann neeti ko ANJAAM. 
Rashbehari bhi Chandrasekhar jaise hee 
apni bhesh badalne mein teh MAAHIR; 
jab Netaji Subhash Singapore pouchey, toh 
Rashbehari ki aasli maksat huya ZAAHIR. 
Netaji Subhash ki 'Azad Hind Fauz' ne 
Moirang pe laheraya TIRANGA; 
British Sarkar ko aab darr laagne laaga tha, aur 
soch raha tha, ke kish fauz se le liya PANGA. 
Aam Hindustani bhi 
tab ho gaya ashaant, 
karne laage WAGAAWAT; 
tab British Sarkar ne kar diye ek desh 
ko do tukde, woh rajneeti hee tha, 
nahi tha woh koi accha DAAWAT. 
Mohandas saayed samajh naa 
paaya Jawahar aur Jinnah ki KUTNEETI; 
watwaare ke baad, naajaane kitne log ho 
gaye beghar, naajaane unpe kya kya BEETI. 
Ush gussey ko kaabu pe 
naa raakh paaya NATHURAM; 
saayed Mohandas ko kuch galtiyon 
ka ehsaas tha, isiliye bole teh, 'Hey RAM.' 
15 August 1947 ke din, 
azaad huya 'Bharat', joh 
desh hain sabse MAHAAN; 
shath shath naman karte hain hum log unh 
sabhi swadhinata sangraami o ko, jisne diya 
hain apne praan o ki BALIDAAN."- Arindam Sain